«Երաժշտություն հանուն ապագայի» մշակութային հիմնադրամի նախաձեռնությամբ իրականացված՝ «Կրթական ուղևորություն դեպի ԱՄԷ» ծրագրի մասնակիցները հյուրընկալվել են Երևան քաղաքի պատմության թանգարանում: Թանգարանային այցի շրջանակում երեխաները ծանոթանացան սիրելի քաղաքի պատմությանը, մեր հարուստ պատմամշակութային արժեքներին և դիտեցին բազմաթիվ ցուցանմուշներ:
Այցելության ընթացքում պատանիները հանդիպեցին նաև քաղաքապետ Տիգրան Ավինյանի հետ: Մեզ համար շատ ոգևորիչ էր հանդիպումը քաղաքապետի հետ, ով մշտապես Երևանի տաղանդավոր պատանիների կողքին է նրանց ձգտումները պաշտպանելու գործում:
Երեխաները կիսվեցին կրթական ուղևորությունից ստացած իրենց տպավորություններով, խոսեցին իրենց մասնագիտական ձգտումների և երազանքների մասին:
Իր նվիրվածությունը, աջակցությունը և հավատը մեր սերնդի ներուժի հանդեպ ոգեշնչում է պատանիներին հասնելու նոր նվաճումների, իրենց տաղանդը կիսելու աշխարհի հետ` խթանելով միասնության և հպարտության զգացումը մեր քաղաքում: Շնորհակալ ենք Երևանի քաղաքապետ Տիգրան Ավինյանին հրավերի և ջերմ հյուրընկալության համար:
Comments