«Երաժշտություն հանուն ապագայի» հիմնադրամի պատանի երաժիշտները կրթական այցով Էստոնիայի մայրաքաղաք Տալլինում են, որտեղ մասնակցում են «Պյարնու երաժշտական փառատոնի» Յարվի Ակադեմիային։
Կրթական ծրագրի շրջանակում պատանի երաժիշտները ունենալու են անհատական վարպետության դասեր նշանավոր երաժիշտների հետ՝ տեխնիկական հմտությունների կատարելագործման և մասնագիտական աճի խթանման համար, ինչպես նաև մասնակցելու են մասնագիտական թեմաներով դասախոսությունների հայտնի պրոֆեսորների և դասախոսների հետ:
Պատանի երաժիշտները ակադեմիայի շրջանակներում Ակադեմիայի պատանեկան սիմֆոնիկ նվագախմբի (JAYSO) հետ մասնակցելու են «Պյարնու երաժշտական փառատոնի» համերգներին և հանդես են գալու հայտնի երաժիշտների կողքին, ինչը բեմական փորձ ձեռք բերելու հիանալի հնարավորություն է:
--
«Պյարնու» միջազգային երաժշտական փառատոնը, որն ամեն տարի անցկացվում է Էստոնիայի Պյարնու քաղաքում, հեղինակավոր միջոցառում է, որը հիմնադրվել է հայտնի դիրիժոր Պաավո Յարվիի կողմից: Փառատոնը ներառում է մի շարք համերգներ, ելույթներ և վարպետության դասեր, որտեղ ընգրկված են համաշխարհային մակարդակի երաժիշտներ, պորֆեսորներ և տաղանդավոր պատանի երաժիշտներ ամբողջ աշխարհից:
«Յարվի Ակադեմիա»-ն, որը փառատոնի անբաժանելի մասն է, իր կրթական ծրագրում առաջարկում է վարպետության դասեր փայտափողային, փողային, հարվածային և լարային գործիքների ուղղությամբ՝ Էստոնիայից և արտերկրից պատանի շնորհալի երաժիշտներին կրթելու և զարգացնելու համար:
Կրթական ծրագիրը ոչ միայն զարգացնում է երաժիշտների մասնագիտական հմտությունները և նպաստում կրթական աճին, այլև պատրաստում է պատանի երաժիշտներին հաջող կարիերայի՝ նրանց տրամադրելով առաջնորդություն, ոգեշնչում, ծանոթություների լայն շրջանակ և միջազգային կապեր:
Comments