Պատանի երաժիշտները և «Բարուր թոյսը»՝ Աշոցքում

«Երաժշտություն հանուն ապագայի» հիմնադրամի պատանի երաժիշտները մեկնել էին Շիրակի մարզի Աշոցք գյուղ: Պատանիները համերգային ելույթներ ունեցան Աշոցքի մարզամշակութային կենտրոնում և իրենց գեղեցիկ ելույթներով ջերմացրեցին բազմաթիվ փոքրիկների սրտերը:

Պատանի երաժիշտներն համերգային ելութները իրական տոն պարգևեցին բոլորին, իսկ միջոցառումից հետո 800-ից ավելի երեխաների նվիրեցինք երաժշտական Արամ արջուկներ, որոնք մեծ ուրախություն և ժպիտներ պարգևեցին փոքրիկներին:

«Արամ» արջուկը երաժշտական ինքնատիպ խաղալիք է, որի սրտից հնչում են սիրված կոմպոզիտոր Արամ Խաչատրյանի ստեղծագործությունները, որոնք մշակվել են օրորոցայինների Հայաստանի պետական սիմֆոնիկ նվագախմբի կողմից:

Խաղալիքը շուրջ 20 րոպե կատարում է Խաչատրյանի հայտնի տեղծագործություններից՝  օրորոցային երաժշտության մաքրագործող ուժով ու հատկությամբ պարգևելով հայ մանուկներին սեր և խաղաղություն: Երաժշտական «Արամ» արջուկը կդառնա փոքրիկների անբաժան ընկերը՝  շարունակելով պահել, պահպանել և տարածել հայ գենը ամեն մական հետ: